饑饉三十2009
從來俾人公認為大食積既我(兩小時可以鯨吞7碗半雲吞麵, 幾個鐘唔食野會腳軟, 手震, 肚痛...), 估唔到我可以捱餓30小時!
4月18,19日同一眾物理系同學o係風雨泥濘之中, 無怨無悔, 執行營救行動, 為第三世界既孩子略盡一分綿力
老實講, 參加饑饉30時我並冇咩偉大抱負. 當然我覺得呢個係好有意義既活動, 以前都諗過參加. 但主要都係當"玩"
不過, o係呢個活動之後, 我開始真正, 好實在咁感受到冇野食, 冇衫/鞋著, 營養不良有疾病等等既苦況....我強調, 饑饉三十o個30小時其實一d都唔辛苦.只係, 透過分享會, 認識更多.... 我覺得自己好似有d唔同
出左個camp, 望望街頭, 望望openrice你想食咩都有, 要咩都有有平靚正彈牙既墨丸米, 有高檔既法國私房菜扒房意大利日本印度墨西哥菜.... 咩國家既都有...
對於我地, 夢想可以係年薪過幾多百萬, 買靚車/樓, 做機師/律師/老闆, 但對於第三世界既小朋友, 可能只係想要一件新衫或有一餐溫飽!
就由而家開始, 珍惜自己所擁有既一切, 珍惜食物 (叫野食時唔好眼闊肚窄!), 珍惜能源.... 一d我地好容易做到既野就可以幫到第三世界既人架啦!
咁有意義既活動, 下年要再參加!!
Posts
