30 June 2008

唔該一碗遊船河

6月天氣真麻麻, 順延o左一次, 結果又係天陰陰....搞到原本有40人報名參加結果得22人出席!!!!! 唉.....
不過都算好彩, 當日早上有少少雨, 之後都幾好天!活動都算順利進行, 22人都玩得好開心!

活動日期:2008年6月29日
活動地點: 西貢蛇灣

當日活動花絮:
1. 有4個校友(2男2女)划o左隻艇仔去玩. 划下划下... 可能艇中有位靚女既關係, 途中有位人兄(乃高大型男!)表演跳水然後高速以自由式游過黎, 邀請呢4位校友上佢地隻船玩! 當然佢個target只係想邀請個靚女啦! 但呢d野不能做得太出面! 哈哈...結果到底有冇上到船... 請向我地校友會幹事查詢!

Photobucket


2. 除o左香蕉船同快艇滑水, 另一個熱門既海上活動就係由船頂上跳落黎! 有個校友表演花式跳水, 如前後空翻, 指定"落點"穿過水泡....

Photobucket

亦有一個校友俾人整蠱, 佢班朋友話同佢一齊跳落黎, 影埋video. 點知數o左1, 2, 3後俾人推o左落去! 估o下係邊個???

Photobucket

3. 有校友帶o左把回力刀黎示範回力刀真係可以返到黎呢個神奇景象! 但佢個朋友唔識掟, 掟o左出去唔識返黎, 仲飛到好遠, 又唔肯幫佢執! 搞到佢要游到好遠自己執. 哈哈...


大合照.....

Photobucket

下年再搞 "唔該一碗遊船河", 希望到時會好天啦! 哈

持續踢波計劃

各位有興趣參與持續計劃的校友,填上簡單的聯絡資料,以便日後通知。

報名表:請按此處

持續計劃網頁
Facebook Group

PHY Basket

2011年正式成立,目的為提供更多籃球聚會予各屆物理系校友,成員將不定期相約於中大夏鼎基或其他場地,進行籃球活動或安排友賽。

Facebook Group: http://basketball.cupaa.org

  © Blogger template 'Neuronic' by Ourblogtemplates.com 2008

Back to TOP