城門水塘遊 - 行山認藥

我地行山就行得多，今次搞搞新意思，聯同中醫學系校友會一齊舉辦左個行山認藥活動！

當日，2008年11月23日，天氣好好，我地一行廿幾人九點鐘出發，圍繞城門水塘行一圈。平時只需兩個鐘既路程，我地就足足行左五個幾鐘！

由d相可以睇到，我地個個都好用心聽。原來平時好多 “撞口撞面” 好似好普通既植物都有佢地既醫學價值，醫療作用。好似，鴨腳木，金剛藤，山大刀咁。草藥草藥並唔係浪得虛名！哈哈。只係我唔識姐！

圖中所示既係百千層既葉。捏碎左會有薄荷香。唔講唔知，原來白花油其中一種主要成份就係佢！！白花油另一種既主要成份係冬青油，而當日我地亦都有見好多冬青科既植物。

觀賞植物之餘都仲有時間影下蝴蝶~ 是次行山認藥活動對於我呢個無知少年黎講，真係擭益良多。冇參加到真係走寶......